嘉穎望與阿佘續前緣
鄭嘉穎前緋聞女友佘詩曼將離開娘家無綫北上發展，他坦言仍希望再與對方合作，相當念舊。
鄭嘉穎、蒙嘉慧、田蕊妮和麥長青等人，穿起印度服飾出席《Only You只有您》情定印度婚禮活動。現場一眾藝人玩到癲晒，田蕊妮將未剝皮的香蕉強行餵麥長青，蒙嘉慧又徒手為嘉穎除鞋除襪，更將他的腳浸到沾有甜酸醬的水中，相當惡心！
祝願搵多啲
對於前緋聞女友佘詩曼不續約無綫並北上搵銀，嘉穎則送上無限祝福，並說：「佢應該經過深思熟慮，佢同無綫應該仲有部頭約，應該會繼續為無綫拍劇嘅，會中、港兩邊做咁，希望仲有機會同佢合作，祝佢願望成真，搵多啲錢！」
操肌接新劇
嘉穎透露與無綫仲有一段時間的合約，暫時未有考慮北上。問到有冇內地公司向他招手，他說：「再講啦，自己想兩面都兼顧。香港係一個好好嘅發播站，冇咗就好可惜，而中國嘅市場就潛質無限。」稍後，他將拍攝新劇《拳王》，現正力操六舊腹肌。
另外，蒙嘉慧原本打算月尾到日本九州或沖繩旅行，現仍在考慮起程與否，她說：「鄭伊健原本都要去日本工作，但都取消咗。」
文：影視組