楊思琦傷腳慘變豬蹄

前晚楊思琦與曾志偉在澳門演出時同告發生意外，二人疑踏到不平坦的台階而失足跌倒，齊齊跌落樓梯。身穿露肩晚裝及着高跟鞋的思琦傷得較重，除扭傷右腳外，右肩亦撞瘀，頸部、腰位亦拉傷，幸而經醫生診斷和照X光後證實無骨折，但要休養四、五天，思琦原本昨日起程到丹霞山拍旅遊特輯亦未能成行，無綫臨時換上黃智賢。

返港入院睇急症

昨日，思琦將傷腳之「豬蹄相」上載微博並表示：「全身痛，要暈了，寸步難行！」記者昨日跟思琦聯絡上，她說：「唔小心差錯腳碌落樓梯，當時我着住高跟鞋，條裙又露肩，一跌就特別傷，不過，我之後都企番上台做埋個演出先走，夜晚搭船先覺愈來愈痛，返到港咪去咗睇急症，唔敢同阿媽講，怕佢擔心，男友（李永豪）都知，佢都知意外冇辦法！（志偉傷勢？）佢真係好好身手，佢同我一齊跌，但佢完全冇事，仲可以拉住我！」

思琦與志偉前日出騷時，齊齊失足跌落樓梯。

思琦右腿慘變豬蹄。

武師出身零損傷

曾志偉武師出身，遇到意外都臨危不亂避過受傷，昨日他說：「我冇事呀，我怕壓親思琦咋，不過我都要讚佢夠專業，跌倒仲要上台繼續演出，同觀眾握完手先走！」

文：影視組