日本大地震發生多日後，不少本土及外國名人紛留言慰問及籌款支持，但饒舌歌手50 Cent竟然拿天災來開玩笑，引來全城怒轟。
日本上周五發生世紀大地震兼引發海嘯後，Katy Perry和賓史迪拿等名人都有留言為災民祈禱，美國饒舌歌手50 Cent當日亦加入行列，但他並非問候災民，而是在twitter寫了多段語帶諷刺兼自以為好笑的留言，在災民傷口上灑鹽。他說：「事態嚴重，我諗我要撤走喺洛杉磯、夏威夷同日本啲女喇﹗我一定要咁做﹗」而海嘯一度威脅夏威夷及美國西岸後，他說：「啲巨浪朝早8點殺到，啲癲嘅白人實走晒去滑浪﹗」更說：「啲八婆見到佢哋啲Christian Louboutin高踭鞋沖晒出街一定癲晒﹗」
留言曝光後，有50 Cent的粉絲大讚他風趣並陪笑，但不少網友不齒其所為大鬧，有人怒斥他拿地震開玩笑「白癡和不敬」，希望他懂捐錢救災，有人則恭喜他做了「賤種」。50 Cent可能意識到講錯嘢，其後留言道歉並為失去親人的災民祈禱，他說：「我有啲留言係無知啲，純粹想譁眾取寵，鍾唔鍾意都冇所謂。」
而美國樂隊The Melvins則行衰運，繼上月於新西蘭遇地震後，日前在日本開騷又遇地震，幸好大步檻過，並在facebook報平安，指兩周內連遇兩次大地震的機率是數以十億分之一。
剛離開澳洲的Rihanna則留言表示對地震感心碎，並會繼續為他們祈禱。多次到仙台演出的組合Boyz II Men亦在網上發起為紅十字會籌10萬美元（約78萬港元）善款賑災，又謂打算11月再到仙台開騷。此外，地震亦拖累海外票房較去年同期大跌6成，而迪士尼動畫《魔髮奇緣》雖如期上周末在當地上映，但周末兩日只收160萬美元（約1250萬港元），而實施局部停電亦影響戲院生意。
至於美國女歌手Cyndi Lauper為準備今日在名古屋開鑼的日本演唱會，原定上周五下午三時許飛抵成田機場，但機場因地震關閉，航班要繞往羽田機場降落，加上車路擠塞，她最終在周六深夜四時半才抵達東京的酒店。Cyndi接受傳媒訪問表示心痛及已捐錢，還打算在演唱會上呼籲樂迷節約用電。
文：外娛組