孫燕姿嘆無常心急嫁人
日本大地震造成過萬人傷亡，多個縣市被海嘯夷為平地，不少藝人對今次天災感到震驚又無奈，身為基督徒的孫耀威（Eric）感到世界末日將至，希望早日與女友陳美詩成家立室；而一向少提感情事的孫燕姿亦慨嘆世事無常，問到會否因此考慮提早結婚？她爽快答：「好啊！」
近年天災人禍發生頻繁，雲南及日本連環發生地震，令人聯想到2012年世界末日的預言，不少圈中藝人都慨嘆世事無常。
重新思考儲蓄意義
久休復出的孫燕姿於台灣為新碟《是時候》舉行簽唱會，雖然多次低調避談荷蘭籍男友，但提到今次大災難，令她感到世事無常，價值觀大大改變。問到會否跟拍拖五年的荷蘭男友提早結婚？燕姿爽快答應：「好啊！」她表示擁有再多的財富，分分鐘下一秒都會化為烏有，令她重新思考儲蓄的意義，希望歌迷可以將禮物的錢用來賑災。
另外，Eric昨日出席饑饉三十活動，他表示原定四月到日本拍攝旅遊特輯及國語碟的封面照，雖然目的地沖繩未有受太大影響，但公司擔心輻射等問題，可能會改變行程到其他地方。
Eric慨嘆說：「我喺日本做過幾年嘢，見到片段入面啲屋一下子就畀洪水沖到爛晒，仲有啲相片係兩條屍體攬住一齊呀！我都一路睇一路喊，唯一可以做嘅就係祈禱！」
用歌曲製造正能量
身為基督徒的Eric坦言種種大災難令他感到末世接近，不知道世界末日何時降臨。他表示：「生死有命，呢一刻你想去做就應該做，牧師都預言過近幾年大災難，真係感覺到末世好近，真係唔知幾時係世界末日！人應該及時行樂，充實咁面對每一日。（快啲結婚？）真係有因為咁而諗過，希望趁末日之前早啲結婚，不過亦因為咁，唔敢諗生小朋友。」他感激女友陳美詩在創作上為他帶來靈感，希望用歌曲為大家增加正能量。
文：音樂組