陳豪唔興玩復合 廖碧兒冇行
陳豪對於舊愛廖碧兒與林忠豪玩復合封嘴，且打手勢表示自己「唔興呢套」，繼續等運到期待真愛來臨，刻下惟有將名車當女友看待。
香車獨欠美人
陳豪昨午亮相馬會的「香港打吡大賽」記招，更化身記者與馬主及練馬師們做訪問。大會悉心安排他揸名車現身，頓即成為焦點所在，事後被記者取笑他獨欠美人，搞得他靦覥笑謂：「有車先啦，其實我都幾鍾意兩座位嘅『趕絕外母型』跑車，出出入入易handle啲嘛，旁邊坐得一個，唔使送咁多個返屋企。」
係另一個開始
對於愛情，陳豪自嘲「等運到」，當記者提到廖碧兒被指與林忠豪復合，他二話不說便指自己「冇嘢講」。談到潮流興復合，他竟伸手做出拒絕手勢：「我真係未試過，完咗應該係另一個開始。（抗拒？）總之未發生過喺自己身上。（再拍拖會玩地下情？）哈，到時話你知，依家就乜都冇。」他隨即轉話題，笑謂自己客串當記者表現稱職：「我連拍戲都未試過（做記者），相信如果做娛記仲勁呀。」
文：影視組