江若琳易容復古認唔出
剛完成小手術的江若琳（Elanne），小休一日後昨往參觀《Flash ON weekly》舉辦的彩妝展覽，她大讚展覽前衞，可以用作其日後唱片的形象參考。又說自己曾化過大膽誇張的妝容，令眾人都認不出是她。
由《Flash ON weekly》舉辦的「FLASH Outline彩妝藝術互動展覽」，打從一開展便吸引不少名人明星到場參觀，昨日Elanne帶同化妝師及髮型師到場參觀：「我特登嚟撐Flash ON o架，仲有Sunny Lau，同埋我個化妝師、髮型師佢哋都有作品展出，佢哋兩個平時化完啲作品都會即刻影相畀我睇，我都好恨試吓呢啲咁大膽嘅彩妝。」
學化妝技巧
Elanne透露藝人多不敢嘗試如此大膽的彩妝，因化完會令人認不出自己，她亦有如此經驗：「我試過化一個二、三十年代嘅復古妝，條眉畫到好幼，化完啲人真係唔認得我。其實我都好想學吓佢哋嘅化妝技巧，希望佢哋可以傳授畀我，如果唔係我會將smoky eyes化咗做真嘅熊貓眼。」
五官大性感
不過Elanne大讚這個彩妝展覽前衞大膽：「我覺得成件事都好前衞，好fashion，可以畀我做個參考，日後我做唱片演唱會都可以化這種妝。」談到自己的五官時，Elanne說：「我成日畀朋友笑我樣樣都大，因為我眼耳口鼻都大，其實都幾啱比例o架，我覺得幾性感吖，哈哈！」
文：影視組