Amanda S.為真愛唔吼闊少

名模Amanda S.前晚出席「香港保時捷中心陳列室開業一周年」記者會，現場展示價值二百多萬的新款跑車，穿上紅色連身裙出場的Amanda S.，與香港及澳門保時捷中心總經理唐大維齊主持揭幕儀式，隨後即場試新車。

外套遮腳防走光

穿上短裙的Amanda S.為防走光，下車時吩咐工作人員給她外套遮住小腿，她直言曾出席活動時試過走光，刊登出來的相片不漂亮，故以後盡量小心。對於早前她出席名人派對時被拍得邊飲酒邊食煙，她對此直認不諱，又表示自己形象並非乖乖女，故即使被拍得食煙也沒甚麼大不了。問到政府加煙稅會否令她減少食煙？她說：「我又唔係日日食，只係出去飲酒先會食，出去問朋友攞一兩支食，唔使錢。」

Amanda從車內站起時，借來外套遮掩下身。

Amanda以短裙試坐靚車，不忘以手按緊裙邊免走光。

若生BB一定戒煙

將於今年九月與男友拉埋天窗的Amanda S.，表示大肚就一定不會食煙，但若生BB後不餵人奶便會做回煙民。此外，談到是晚試坐靚車，Amanda S.直言這是她的Dream Car：「我覺得揸呢啲車嘅男仔都係靚仔，（有冇男仔揸呢架車追你？）有呀，嗰陣佢揸開篷車，後面放滿玫瑰花同大熊公仔，雖然好感動，但我當時鍾意另一個男仔，所以拒絕咗佢，（拍拖唔要有錢人？）有冇錢唔重要，係睇夾唔夾，同埋會唔會感動我。」

文、攝：專案組