林莉恨玩藝術妝容

由香港首創唯一免費Tabloid Size時尚周報《Flash ON weekly》舉辦的「FLASH Outline彩妝藝術互動展覽」昨日繼續在銅鑼灣時代廣場舉行，吸引大批潮人及名模參觀，包括模特兒林莉、「香港鐘錶女王」胡敏珊、外籍模特兒Oxana、Yulia以及Katya等，場面熱鬧。

林莉參觀過後，即讚不絕口，她大為欣賞說：「啲相同我想像中唔同，冇諗過係咁Artistic，化妝同藝術感覺好重，好正，有好多張相嘅造型我都好鍾意，其中一張成個構圖係白色，我自己都影過類似嘅相，令我好深刻。」林莉認為化妝需要跟衣着及打扮配合，她揚言希望今年能跟藝術家合作，嘗試較為Colourful的妝容。

胡敏珊跟Sunny Lau相識已久，大讚對方創意十足。

冼色麗亦被展覽吸引，要觀賞一番。

最滿意鼻子夠直

問林莉五官中，她最滿意自己哪方面？她坦言：「覺得冇乜邊Part特別靚，但整體配合畀人感覺舒服，如果要揀，我會揀個鼻，因為夠直，鼻係代表財。」她笑言不少朋友讚她的眼睛夠圓夠大，但她反而喜歡鳳眼，並認為模特兒戴小奕以及金城武的眼睛最美，非常有神。

女仔定要識化妝

至於胡敏珊同樣大讚作品夠創意，她表示跟《Flash ON weekly》的Creative Director Sunny Lau相識已久，她說：「佢一直話想做本特別嘅雜誌，依家見到佢好成功。」

她認為展覽的作品，把不少女性的夢想實現，並大晒金句：「化妝對女仔好重要，女仔唔一定要化妝，但一定要識化妝，化到個靚妝，成個Look都會唔同。」另外，談到感情生活，她笑言向來多姿多彩及多異性朋友，又揚言找一天會帶同新男朋公開亮相。

文：名人組