蔡少芬高追入市700萬獨立屋迎新B
預產期在五月的蔡少芬（Ada），去年尾出售碧濤花園予保安局局長李少光，最近Ada無懼樓價屢創新高，斥資700萬與老公張晉聯合購入錦綉花園逾千呎獨立屋，以迎接即將誕生的BB女，昨日她更帶同好姊妹參觀新居。
而上月再添一名女兒的譚耀文，早前以千八萬購入北角賽西湖單位已升值兩成，但堅持自住不賣。
目前懷孕約七個月、預產期在五月的蔡少芬，去年11月在徵收額外印花稅新例前，以550萬出售沙田碧濤花園1200呎單位予保安局局長李少光，賺了百多萬，之後租住好友謝寧位於錦綉花園獨立屋，不久便傳出有喜，未知是否覺得風水好，雖然樓價近期屢創新高，但Ada一樣無懼入市，最近斥資七百萬與老公聯名購入上址一幢逾千呎獨立屋自住，平均呎價約六千七百多元，相信是買定新屋迎接BB出世。
孖好友睇屋
據知，Ada出售單位給李少光後，初時想等樓價回落再入市，怎料，樓價愈升愈高，直至搬入錦綉花園不久，她即懷有身孕，住落更愛屋苑的清靜環境，而且不少好友亦居住上址有照應，最後睇中千呎新居。昨日Ada由街坊好友黎美嫻負責駕車，載着另一名好友楊羚參觀新居外貌，只見坐在車頭的Ada興奮地不停向外手指指，而楊羚的寓所原來位於Ada新居不遠處，但對於與Ada就快做埋鄰居，楊羚不作回應。遊完車河後Ada返回家中，還有兩個月便分娩的她，腹大便便，上前恭喜她再度榮升業主，她難掩喜悅臉露笑容，問到買新居是否為了BB，她只笑笑說：「冇嘢講，拜拜喇！」全程心情相當愉快。
女兒腳頭好
另外，已育有4歲兒子的譚耀文，近日榮升第二任父親，太太早前誕下女兒Tammia，為了家人住得舒服，他去年尾斥資千八萬購入北角半山賽西湖單位，短短數月已升值二成，雖然有買家洽購，但堅持不賣自住。他說：「當日買呢個單位有啲朋友都覺得高，我認為反正自住冇所謂，始終多個小朋友，希望佢哋多啲地方走動，所以無論個價點升都唔會理，正所謂千萬難買心頭好，我都花咗好多時間睇樓。」
文、攝：追蹤組