許廷鏗單飛出碟有壓力

許廷鏗由陪朋友參加歌唱比賽，到成為歌手，人氣極速飆升，之前更與巨聲幫齊圓夢踏上紅館，即將推出個人專輯的他說：「目標一路變緊，最大目標係有一日可以再踏紅館，知道唔係一件容易嘅事，但會努力裝備自己，依家簽咗唱片公司稍後會公布，好多歌路都想試，不過第一隻碟都係以流行曲為主穩陣啲，最好可以加入R&B元素啦，因為係自己最鍾意嘅音樂類型，始終比較熟。」

曾經感迷惘

而許廷鏗透露正計劃於處男作中加入自己的創作，身為第一個能推出個人專輯的「巨聲幫」，他坦言有壓力：「對我個人嚟講係冇壓力，因為都過咗一段真空期，當時都有迷惘，但如果話係『第一個』巨聲幫出碟，就有壓力，始終要同好多支持我哋嘅人交代，但壓力都係自己畀自己。」至於會否邀請「巨聲幫」於碟中合唱？許廷鏗說：「都想回饋番觀眾，始終自己係由呢個比賽出身，好多觀眾都會喺網上留言，話好掛住我哋齊齊喺比賽裏面力爭上游嘅片段。」

至於仍在香港大學就讀牙科的他說不考慮停學，一定先完成課程才全身投入唱歌事業，他又為自己定下「5年之約」，坦言最終仍會回到牙科的懷抱。

好友變女友

提到知名度大增影響私生活，戀情亦被關注，身邊異性好友頓變「女朋友」，他說：「都覺對朋友好唔公平，好彩佢哋都好體諒，仲同我講介意就唔同我做朋友。」

採訪︰陳寶

場地：DOGside Cafe

服飾：GF ferre, C'N'C