何倍倩幫手揀衫錫晒林夏薇

何倍倩（Anina）過着非一般的少奶奶生活，婚後一直為美容事業打拚，希望搣甩「恒生新抱」稱號：「我畢業就開美容公司代理產品，三年前創立新系列，會親自去瑞士研究產品。想搣甩個稱號，我係做嘢嘅人，冇乜人見過我食Tea，返到屋企不停覆Email，有呢個稱號令人問點解要創立護膚品牌，係咪玩玩吓，質疑我嘅一番努力，希望可以改叫我做Zensation創辦人。」

欣賞清純新鮮

Anina事事親力親為，近日親挑林峯堂妹林夏薇（薇薇）拍廣告，睇中對方充滿新鮮感，大讚對方清純外，還為她到時裝店揀服裝來備戰下周的活動，可見薇薇相當得寵。Anina說：「一直都想搵人拍廣告，但好多女仔都簽咗畀其他公司，好似要同人爭咁，薇薇形象夾到品牌，個樣好甜同清純，而且皮膚好，佢一出嚟係令到我會停低睇。（重金誠邀？）合理價。」

她又大讚薇薇盡責，會努力用產品保護皮膚：「佢多舞台劇，有啲壓力，會生粒粒，佢會成日用新嘅暗瘡液點粒粒。」

何倍倩邀請了林峯堂妹林夏薇拍廣告，為薇薇親自到時裝店挑衣服。

林夏薇代言產品，獲何倍倩寄予厚望。

化妝及髮型：Kayte Fung

服裝：Marella

場地：Ballet

文：專案組 攝：林楠