蔡楓華呻冇拖拍對阿媽唔住
蔡楓華再戰樂壇雄心萬丈，誓要拿回自己應得的所有。他接受《娛樂onShow》訪問時，除了拋下攞獎豪言外，又細說自己的感情事。他坦言母親一直想飲新抱茶，但奈何冇拖拍，難圓母親心願。
當年因一句「一剎那光輝不代表永恒」，蔡楓華自此染上霉運，雖然曾經黑氣纏身，但終於雨過天青，因得好友孫敬安和盧敏儀的幫助，令他重踏舞台開演唱會，誓要脫霉，以報答好友一番苦心。難得一舒多年悶氣，蔡楓華接受《娛樂onShow》主持俞詠文訪問時，可謂有問必答。
與富家女分手
提起他神秘的感情生活，蔡楓華坦言憧憬結婚：「我當然想結婚，我欠阿媽太多，佢一直想我成家立室，奈何一直圓唔到佢心願。唉！依家冇拍拖，又點結婚？」蔡楓華講到興起，即自爆一段鮮為人知的感情：「以前環境好，試過同新加坡數一數二嘅富豪千金拍拖，可惜唔係性格唔夾，而係生活條件太大差異。當年佢嚟香港，已經要帶佢去高級餐廳食飯，但佢總係唔滿意，一定要包場清晒所有人，你話點繼續呢？」
另外，賭王何鴻燊的千金向來討人喜歡，原來蔡楓華當年已跟她們稔熟：「冇錯，其實我都同幾個千金認識，當年大家都有傾有講，不過我知道自己高攀唔起。」
文：專案組