婷婷畀阿哥打到飛起
謝婷婷昨日為Max & Co. 2011春夏時裝騷擔任模特兒，表示早前拍完的電影將於七月上映，她於戲中飾演打女，而五月開拍另一部電影亦是做打女，她表示最想與霆鋒拍打戲，並經常與他練打，她說：「細個曾經畀佢打傷過，一拳打到我凌空飛！當時好細個，嗰啲係無情力，喺肋骨有個拳頭印！當時我即刻要人呵番。」
婷婷表示希望與Andy拍戲打過：「拍戲最開心就係可以做啲平時唔會做嘅嘢，畀我哋打一餐都OK！（佢唔敢打你啦！）佢一定唔敢打，因為男仔要讓女仔！同埋佢都唔會好大力打，因為佢試過喺哥哥度練打沙包，點知成幾百磅嘅沙包都畀佢打冧咗。」至於有傳姪仔Lucas拍戲？婷婷則謂唔清楚，又表示想同爹哋、媽咪拍，但佢哋已經退休，如果可以四仔乸一齊拍就好。