金剛陪女掃貨甘願做阿四
曾在台灣擔任節目主持的金剛，年前隻身來港發展，星運一直平平，直至與過氣港姐冠軍張嘉兒傳緋聞後，才開始為人熟悉，工作量亦相繼大增。但其實他已有一位拍拖數年的台灣女友，所以每逢放假都會飛返台灣，陪伴女友，不過，由於他近期忙到甩轆，惟有叫女友來港解相思之苦。
肩並肩晒恩愛
前日下午５時許，身穿黑色外套的金剛，與一身粉紅色運動套裝打扮的女友現身銅鑼灣。當日金剛先陪女友到附近商場選購化妝品，不一會已購下兩袋心頭好。一向愛錫女友的金剛，更不介意做「阿四」主動拿取戰利品，而女友則小鳥依人翹住男友並肩而行，雖然沿途被不少途人認出，但金剛卻未有理會，繼續跟女友密密斟晒恩愛。當發現記者拍照時，金剛即主動上前打招呼，並表示女友剛從台灣來港，問到會帶女友去邊？他以半鹹淡的廣東話說：「冇呀！今日都係行吓街，食吓飯囉！」
廿分鐘有收穫
當途經附近一間台式珍珠奶茶專賣店時，兩人即停低上前購買。之後再轉往另一潮店睇衫。甫進店內，金剛即往揀選T恤及飾物，期間見他對一個大背囊情有獨鍾，不時拼上身照鏡，而女友則全程陪伴左右給予意見。逗留了20分鐘，金剛又掃了大袋戰利品離開，滿載而歸。
文、攝：追蹤組