巫啟賢嘆陳奕迅獨霸樂壇

巫啟賢、邰正宵訂於3月15日假紅館舉行《愛在燃燒的日子》演唱會，兩位「神的兒女」同聲同氣，可謂一拍即合，各自取消手頭上的個人騷，專心今次的合作，更準備到世界各地巡迴演出。他們坦言經驗成為他們默契的最大關鍵，由昔日八、九十年代樂壇的「過江龍」直至現時當前輩歌手，他們的金曲仍是港人耳熟能詳的旋律，有如紅酒般愈久愈醇。

一唱就要精彩

經常擔任歌唱比賽評審的巫啟賢心痛現今香港樂壇今非昔比，他說：「十年前出個陳奕迅唱得好好，點知十年後依家都係得個陳奕迅，蘇永康首《越吻越傷心》都仲係得呢首，頒獎禮入面十首歌你識得幾多首？」他坦言會留意樂壇，認為香港這片福地被糟蹋，他續說：「台灣真係冇停過去發掘歌手，你睇蕭敬騰、楊宗緯一開聲就已經有晒水準同埋特色，我最嬲人話我有進步，歌手唔係學生，唔係求進步，你一行出嚟就應該要唱得好精彩。」而邰正宵亦有同感，他說：「依家香港歌手唔係似陳奕迅就係似周杰倫，聽來聽去都係咁上下，無以前歌手性格咁鮮明，其實每個人都係獨一無二呀，唔需要模仿！」

全職侍奉上帝

剛踏入四十八歲的巫啟賢三年前因女兒從怪病中突然康復的神迹，令他信奉基督教，隨即戒煙、戒夜蒲，更計劃五十五歲正式退休全職傳教，他說：「以前好多都係不必要應酬，依家屋企人對我好重要，五十五歲前好多責任要負，五十五歲後，我可以全力咁服侍上帝。」

場地：VIBES@the mira

文：音樂組