蒙嘉慧田蕊妮雙劍合璧仔見愁

Yoyo與田蕊妮於娛樂圈多年，最近才首次合作劇集《Only You只有您》，沒料兩人尚未等及劇集開拍，於試造型時已一拍即合，友情一日千里，開工時還於片場共同找目標整蠱一番，令台前幕後充滿歡樂笑聲。

分辨花膠惹笑話

早前兩人相約到海味店入貨，已為人妻的阿田，從挑選至製作過程也相當純熟，反觀戀愛中的Yoyo，於分辨花膠公乸時竟從底部左望右望，引得阿田哈哈大笑。二人還揀鮑魚，一臉經驗老到的阿田謂：「我以前未食齋之前，閒閒地煮十個人嘅飯餸完全冇問題，鮑參翅肚都得，老公杜汶澤煮嘢食都叻，不過我哋係唔可以一齊煮，會意見不合，所以一係佢出手，一係就我，唔係實有交嗌。」

自言廚藝進步當中的Yoyo，表示幸而身邊朋友多，除了傳授煮食心得之餘，還會為她以超筍價買貴價貨，絕對獲益良多。

蒙嘉慧從底部分辨花膠公乸，十分搞笑。

田蕊妮笑言前世欠咗蒙嘉慧。

「前世欠佢啲嘢」

談到兩人友情一撻即着，阿田笑謂：「其實阿Yo表面上係女人，其實佢係男人嚟架！咁大家喺片場咁dry，玩吓開心啲！雖然同佢第一次合作，但出奇地連warm up都唔使，未開工已經係咁，我前世應該係欠佢一啲嘢。」Yoyo則謂：「拍嗰時冇咁嚴重，之後先再熟啲，成班演員每日都好嘈，好開心。」

文：影視組 場地：盞記