黃宗澤買車被掠高稅肉赤
黃宗澤（Bosco）事業愛情兩得意，收入直線上升，還被踢爆名下有三層樓，雖然他愛車愛樓愛紅酒「三高消費」，但Bosco自嘲另有三高，更為買新車多畀五位數字稅而肉赤。
Bosco前晚跟林一峰、Rubberband、黃馨等為《勁歌金曲》錄影，席間談到被踢爆有三層樓「揸手」，他無奈笑道：「我嗰三層樓係好辛苦儲番嚟o架，不過依家啲樓價太貴，都買唔到我嘅Dream House。（你間夢想屋好大咩？）我鍾意頂樓連天台嘅複式單位，加埋最少都二千呎啦，粗略計算一萬元一呎，起碼要二千萬，我衫多又鞋多，唔夠擺呀。」
向豪宅進發
以前住過村屋的Bosco，覺得村屋雖然類似他的Dream House，但始終治安不太好，而豪宅則私隱度較高，不怕被偷拍。記者笑他愛車愛樓愛紅酒這「三高消費」，也算三高人士，但他卻自嘲：「我三高係高血壓、高膽固醇、高使費就真！」他又乘機大呻早前通過了的財政預算案，汽車首次登記稅被調高，令剛訂了新車又未登記的他無端端多畀五位數字稅款，令他感到「肉赤」及不開心。
文：影視組