謝安琪：想大家用良心做嘢
謝安琪（Kay）日前於網絡熱爆的「餵屎畀仔食」言論，大受批評，網上點擊率達廿二萬，昨日她輕鬆回應，似乎完全不覺得是一件大事，反而覺得此事引起大家思考，可令大眾關心傳媒經常失實報道的現象。
「惹火尤物」Kay日前在一訪問中以「如果你個仔鍾意食屎，你就畀佢食咩？」來比喻傳媒「大家喜歡看，當然要繼續寫」的負面現象。此事在網上點擊率高達廿二萬，網友批評她比喻失當，身為「傑青」不應以粗俗的食屎等不雅言詞和孩子相提並論。
「唔係咁大件事」
Kay昨日現身電台錄影新電視節目，對「食屎論」她強調是真心比喻，想表達一小撮傳媒失實報道的影響，毋須覺得咁大件事！之後她又說：「唔通話『攰到阿媽都唔認得』，阿媽就會真係唔認得你咩？」她很高興今次可以引起大眾思考：「我真係想做好呢個行業，有切膚之痛，想大家關心，希望大家用良心同責任心去做。（唔用屎去表達係咪會好啲？）我冇諗得太嚴重，其實個point都好易明。」
冇諗過做金句王
問Kay其朋友會否覺得她過火？她說：「佢哋都知道我個人係點，效果係點唔重要，我都唔介意畀人攻擊。」她又否認是該訪問者叫她答得這樣「有智慧」，不怕成為黎明第二成為「金句王」？Kay笑說：「咁又冇咁諗過！」另外，十大傑青的官方代表在本報的電話訪問中表示不會為Kay是次言論作出回應。老婆一句「餵屎畀仔食」，其夫張繼聰似乎仍力撐Kay沒有講錯，雖然記者致電他時不作任何回應，但他卻於微博上載老婆接受訪問的短片，用行動支持Kay！
文：音樂組