瑞莎主動埋身 古天樂鼻血長流
古天樂艷福無邊！他於新片飾演花弗男，女人緣爆燈，除了與高圓圓有感情戲，台灣性感名模瑞莎及賈曉晨（JJ）更主動埋身投懷送抱。
身穿中門大開低胸衫的瑞莎與古仔約會，令古仔流鼻血，她幫古仔捏鼻止血時更向前「胸壓」，相信只會令古仔「流血不止」。雖然艷福不淺，但古仔笑言每次享盡艷福後都會激嬲圓圓，除了硬食圓圓的耳光及潑水，又要扮跌落地希望圓圓為他包紮。圓圓則謂每次用力掌摑古仔都感到不好意思，但在旁的古仔笑言：「圓圓再用力啲都係冇乜力！反而拍跌倒戲份就擔心啲，跌咗不下四次，又落唔到厚墊，好彩冇整親咋。」
