葉梁美蘭：盛名所累！

Dior設計主帥John Galliano上星期因醉酒失言歧視猶太人，最終Dior因此宣布與他終止合作關係，昨日不少國際著名時裝設計師、名媛紛紛站起來力撐Galliano。
葉梁美蘭替Galliano感可惜。（資料圖片）
葉梁美蘭替Galliano感可惜。（資料圖片）

除了D&G時裝設計師Stefano Gabbana大叫可惜外，Roberto Cavalli更指Dior錯過了人才，而《色慾都市》服裝設計師Patricia Field更去信五百傳媒，讚揚Galliano才華洋溢，為人充滿戲劇化，質疑大家應用另一角度看待此事，更謂大家對Galliano已欠了幽默感，而Dior的御用模特兒Chanel Iman亦大表可惜。

虞茱迪（右）與黎堅惠出席活動時亦力撐Galliano。
  • 虞茱迪（右）與黎堅惠出席活動時亦力撐Galliano。

Galliano朋友名媛葉梁美蘭昨日透露：「件事發生後，我即刻打去佢嗰邊問，佢公司嘅高層其實都係企佢嗰邊，不過最終都係Dior決定。為咗咁被辭退係嚴重咗，有邊個冇飲醉過酒，不過人出名就係咁，佢做錯事失言，都要負責任！」而名媛虞茱迪昨日出席活動時說：「被炒係嚴重咗，佢好有才華，藝術家係有脾氣嘅！其實出事時身邊嘅人助長咗佢，相信有勸佢唔會咁嘅，佢道歉應該冇事。」

此外，Dior昨日宣布John Galliano將不會出席即將在巴黎舉行的秋冬2011時裝騷。