楊秀惠撐梁洛施有付出

李澤楷、梁洛施先後發聲明宣布分手，成為城中熱話，昨周家蔚、楊秀惠出席《魔法擂台》記招，同場還有森美及劉威煌等。被問到李梁分手一事，周家蔚表示：「愛一個人係愛佢嘅全部，好同唔好都會愛，我相信佢哋係相愛過，唔係大眾睇佢哋嘅感情係同金錢掛鈎，一個女人愛男人，除咗愛之外，最緊要係生活有保障，起碼有基本嘅保障，如果冇錢又點保障到小朋友嘅生活呢。」
周家蔚（右）及楊秀惠同樣認為愛情不應與金錢掛鈎。
周家蔚（右）及楊秀惠同樣認為愛情不應與金錢掛鈎。

楊秀惠則覺得梁洛施為了這段情有付出，她謂：「感情係好個人嘅事，係咪感情同金錢掛鈎要佢哋至知，但梁洛施幫李澤楷生咗BB就肯定有付出，梁洛施已經退出又冇工作，生活係需要有保障，我有個朋友嫁咗有錢人生活好幸福，唔可以話佢貪錢，有啲人係天生條命好。」

森美（右）及劉威煌在場玩魔術。
  • 森美（右）及劉威煌在場玩魔術。