王菲綵排港騷粵唱粵錯

王菲重返樂壇後第一擊「王菲巡唱2011香港站」將於本月四日起假亞洲博覽館展開合共五場演唱會，經歷過內地各省及台灣等地巡迴表演後，今次返到香港，王菲特別為樂迷重新改變舞台設計及演出rundown，當中加插十多首廣東歌，包括《暗湧》、《冷戰》、《約定》、《償還》等，希望為香港樂迷帶來更大的親切感。

王菲表示已經有八年之久未有在舞台上演唱廣東歌，她坦言心情特別緊張，所以決定提早幾日來港綵排，首日試唱就頻頻碰釘，咬字偏差，令她自己都禁不住笑住嗌「cut」，一邊排一邊叫：「哎呀，喂……等等，重新嚟過！」王菲坦言未必能夠唱回當年的感覺，但樂隊及工作人員都大讚有種久違的感動。

換上前衞新裝

另外，演唱會將會有全新的服裝，歌迷們都非常期待她的前衞新裝，王菲日前再次試裝，雖然經過農曆新年及悠長的假期休息，但王菲不但沒增磅，試衫時反而顯得更瘦，她說：「點會呀？我一啲都唔覺得自己瘦咗好多，咪又係咁上下！」雖然忙於綵排，王菲不忘玩微博跟朋友傾偈，更留言說：「好啦好啦，停止一切屎尿屁，全力以赴哆咪嗦！」

採訪：音樂組