尹子維Kiss唔算拍拖
前晚尹子維、方皓玟及名模Jocelyn等一同出席「PUMA Social」企劃發布活動，其中尹子維透露將會推出第二張唱碟，他說：「十年前喺台灣出過一張，所以都隔咗好耐冇出，（有冇壓力？）冇喎，我出碟係為咗同啲音樂人合作交流，只要觀眾鍾意我就開心，（走咩路線？）有抒情亦有激啲嘅，（有冇粗口歌？）唔排除，希望今年可以出到。」
問到其感情生活？子維即說：「好淡薄，（唔係同貝安琪拍拖咩？）一路都冇，（但你哋畀人影到Kiss喎？）Kiss就代表拍拖嘅咩？（想唔想搵個認真嘅拍拖？）遇到啱都唔排除。」
