事業有成 和諧家庭 汪圓圓大小女人混合體
三八婦女節快到，今時今日很多女性都可以獨當一面，不再是男人背後的小女人。圈中亦有不少大女人，但適當時候就懂得變回小女人，像汪圓圓在工作時便是大女人，但在男友蔡加讚前變得小鳥依人，是個溫柔可愛的小女人。
瞬白亮肌發布會
汪圓圓自言在家中是小女人，工作時卻是大女人，樣樣親力親為，對男友蔡加讚時，她只含羞說拍拖要互相尊重，但觀乎她早前餵男友吃Pizza，就知她溫柔體貼儼如小女人。
台模吳亞馨：「可能要照顧屋企，我性格較倔強，但有問題時唔會硬碰硬，有錯會認；但有時對住男友都會小鳥依人。」
由港姐進身為名模的林莉自認大小女人也能做得到，皆因她能適應不同環境及場合，故此可謂出得廳堂、入得廚房，果然襟撈！
誘惑唇膏派對
周汶錡深明中庸之道：「我唔大唔細，唔係大女人，亦唔係小女人，喺中間，我向來比較爽直，所以唔算係小女人。」
樂基兒貴為名模，早就是新女性典範，但她對着老公黎明卻盡顯賢妻本色，亦煮得一手好餸冧暈老公，盡顯小女人一面。
傅嘉莉自認表面大女人，內裏小女人：「我事業心比較強，但我知對住男仔要畀多啲溫柔，男仔始終鍾意小女人，希望做到兩者之間，最好似陳慧琳咁有事業又有家庭。」
鍾浠文生活及工作上可照顧自己，是大女人，但拍拖時是小女人：「都想有人照顧，如果有事由男友畀意見都會聽，唔會硬頸。」
春夏手錶傳媒預展
林峯堂妹林夏薇：「我有雙面性，成日都好開心笑，呢個時候就小女人啲；做嘢嗰陣好認真，就大女人啲。但我係巨蟹座，唔算大女人。」
模特兒戴庚玲：「我算係小女人，因為我好肯就人，好似我唔會要求男友Juno好忙都成日見面；Juno亦唔係大男人，不過有主見。」
領事館開幕活動
羅霖：「現代女性要工作兼持家有道，好辛苦。自問唔係大女人，最緊要係先照顧好丈夫同小朋友，家庭最重要。」