孫耀威（Eric，圖中）昨日出席apm舉行的「攜手共創彩虹橋」活動，與兩位救世軍殘疾學員行catwalk，甚少做模特兒的Eric說：「只行過幾次騷，做模特兒一定要chok樣，但我比較cute，盡量忍笑同chok。」
出道多年的Eric透露今年首次交稅，他說：「之前喺台灣同內地發展，所有收入都經當地公司，所以冇機會納香港稅，雖然今次畀好多，但畀得開心。（有六千蚊退落強積金？）我受惠唔到，因為我冇強積金。（蝕咗？）冇辦法，都慣咗，做歌手都有其他好處。」
