安仔爆太太佗女湊夠好字
郭晉安、米雪、廖安麗及郭政鴻等一眾處境劇《依家有喜》的演員，昨日於商場出席劇集宣傳活動，期間玩遊戲眾人要幫一紙板BB裝身，安仔的一組為紙板BB「添加」下體，大玩不文。
安仔大方謂已知太太歐倩怡正佗女，預產期7月：「湊夠一個『好字』，收工喇！不過佗仔同佗女真唔同，今次老婆脾氣好啲，舒服好多。」他稱4月中到內地拍攝古裝劇後會返港陪產。問安仔有否因將出世的女兒而向內地劇組要求加人工？他笑言：「唔會！如果係就生多幾個喇，希望公司加畀我啦。（內地人工高過公司？）好難用錢衡量，公司嘅包裝同推廣可能出面做唔到，收番合理價錢就得。」
米雪則稱完成手上的劇集後會暫停接劇：「我會同朋友搞個文化平台，畀大家交流，琴棋書畫咩都有。」