周秀娜硬食林敏驄虐待三招

周秀娜（Chrissie）昨以密實造型到亞視錄影節目，並不時被林敏驄逗得笑逐顏開。於拍照期間林敏驄突然用雙手從後摟抱Chrissie纖腰，她惟有笑着完成合照，但事後亦承認大感突然：「都唔會尷尬，不過覺得好突然。佢（林敏驄）話想要我個攬枕，都賣晒啦，依家成個真嘅喺度，咁咪畀佢攬過吓手感，反正捽唔到啲咩，當係懲罰。」不過，林敏驄攬完Chrissie條腰後，竟再把玩她上衣的胸前流蘇，更差點碰到其胸部，Chrissie只好勉強用雙手擋架。最後林敏驄更以手叉頸，把Chrissie力按在巨型麻雀上，令伊人慘叫一聲，擺明不憐香惜玉！

「當係小朋友」

事後本報記者再向林敏驄跟進，被問到有否覺得自己對Chrissie太熱情？他說：「玩之嘛。（尷尬？）唔怕，我都尷尬架。（摸錯其他重要部位？）冇，佢心口有執毛囉。」在旁的Chrissie亦大方表示不介意：「當玩吓啫！上得嚟玩都預咗，佢呢啲攬我當係小朋友嘅攬囉。（尷尬？）唔會呀，如果佢掹爛我衫嗰啲眼睫毛就真係尷尬喇，哈哈。」

不在場的Chrissie經理人Roy聽聞後就笑言：「佢咁大膽？唔怕全香港嘅宅男追殺呀？不過呢個係佢style，玩吓啫。」而節目監製潘康健得悉事件後也表示會再提醒林敏驄，又指Chrissie開心完成拍攝，沒收到任何投訴。二人及後再於微博上開玩笑，林敏驄先貼上他攬Chrissie腰的照片，並寫到：「咼地泣陣玩推油（我哋一陣玩推油）」，而Chrissie再轉發：「推你個屎淫頭，咼地玩推牌（推你個死人頭，我哋玩推牌）。」看來二人關係依然友好。

掹毛

叉頸

回暖即玩低胸

另外，Chrissie前晚穿上低胸白色連身裙出席活動，與穿密實黑衫的Jessica C.（JC）碰頭，大方合照。對於被傳被JC嫌棄拒拍二人寫真，周秀娜說：「唔會，唔信佢咁講。（今日着得好性感？）天氣回暖嘛。」而前晚大讚周秀娜「好hot」的JC，昨晚在電話中回應林敏驄事件：「如果佢真係feel bad，希望佢盡快開心番。（試過畀人抽水？）未試過，自己係一個敏感嘅人，一感覺到有啲咩唔對路就會縮，平時出去玩都有男友陪。」

文：影視組