黃婉曼唔恨做明星

由「天氣小姐」搖身變為遊戲節目主持的黃婉曼（Icy），雖然人氣大增，惟負面新聞亦不絕，繼指她嫌男友窮狠飛對方，日前又被指於節目中爆粗，令到一向有觀眾緣的Icy首嘗被「圍攻」滋味，依舊樂觀的Icy坦言：「冇辦法，花無百日紅嘛，梗有人鍾意同唔鍾意。（有冇唔開心？）唔開心係唔想成為焦點，我只想做好主持工作，唔係想做明星，亦都唔慣畀狗仔跟！」

對於有網民指她作狀，Icy自稱只是太過投入，但亦會接受大眾的意見：「咁我都知自己做得唔係完美，做主持都算新，會接受意見同改進！（男友有否安慰？）冇男友呀！（咁舊愛有冇安慰？）佢叫我畀心機做唔使理人點講。（會否復合？）咁唔關事嘅，佢一向都細心！」另外，於27日晚播出的《撳錢》特別獲得贊助，獎金將提升至廿萬，而12月又會送出額外一百萬的巨額獎金。