阮民安同錢志明劃清界線
曾經哄動全城的娛樂圈「字母小姐」騙財騙色案男主角錢志明，出獄後以揸的士維生，盛傳他已改名換姓，扮有錢人結交o靚模少女，歌手阮民安（Tommy）也被牽連，有指兩人曾經上契，Tommy昨日在電話訪問中跟錢志明劃清界線，對不實報道表示保留法律追究權利。
Tommy否認兩人上契：「係佢自己話啲人叫佢做契爺，睇到雜誌都嚇死，先知佢係當年嗰個人，當年我好細唔知。」他透露在公眾場合認識對方，但大家稱不上做朋友。曾經與錢志明在同一派對出現的o靚模Mia否認認識對方，她說：「係Tommy帶佢嚟，睇完報道後，我估係Tommy帶唔夠錢，所以叫埋佢嚟。」暗寸Tommy無錢搭的士。