張智霖千萬續約圓反斗夢
張智霖（Chilam）將於三月出碟，並首度為兒子填寫新歌《反斗奇兵》，雖涉版權問題，幸好唱片公司願一擲千金買下版權。由於Chilam紅館騷及電視劇均大收旺場，故現任老闆願出八位數字利誘Chilam續約。
Chilam為配合三月廿六及廿七日舉行的處男紅館個唱《張智霖我係外星人2011》，將於同月推出新碟，其中《反斗奇兵》更是他首次為愛兒張慕童（魔童）填詞。據知魔童是熱爆動畫電影《反斗奇兵》的fans，Chilam為此早在兩個月前向唱片公司Neway Star提議新歌添加《反》片元素，將主角巴斯光年的原裝發聲加插在歌曲，為免涉及國際性版權問題，唱片公司向擁有版權的香港迪士尼申請，可惜被拒。
明年紅館再開騷
未有放棄的Chilam再提出用《反斗奇兵》為歌名，唱片公司遂向迪士尼「上訴」，致函表明願支付昂貴的版權費買名。據悉，香港迪士尼已將申請書傳交美國總公司審批，大約於本周末有答覆。由於唱片公司希望Chilam新碟可配合演唱會造勢，盼能盡快解決版權事宜，否則可能影響新碟推出時間。
Chilam兩場演唱會近乎爆滿，加上其主演電視劇《魚躍在花見》收視高達卅三點，據知現時有二、三間唱片公司打Chilam主意，故大老闆薛濟傑已下令留住Chilam，除出動八位數字續約三年，又提出明年再開紅館演唱會及舉行約廿場世界巡迴個唱等優厚條件利誘。
昨日本報致電身在越南的Chilam，他承認向迪士尼申請版權。問到續約問題時，他指完成個唱後再傾。而唱片公司行政總裁Kevin Wong則說：「公司願望出重金買《反斗奇兵》呢四個字嘅版權，最緊要配合到Chilam嘅要求，公司同Chilam合作咗兩年好愉快，有信心可續約成功。」
靚靚唔心急生女
另外，有傳Chilam老婆袁詠儀（靚靚）在吉日拜神求生女，靚靚笑言：「求健康、財富，去得廟梗有所求啦，佢話我求女都好，承佢貴言啦，我自己唔急，子女由天定。（試其他方法？）接受唔到，想自然啲。」
文：音樂組