郭富城讚熊黛林性感兼感性
郭富城演出《全球熱戀》，對於片中的「女朋友」劉若英讚不絕口，又指對方是個感性女生，問到會否怕緋聞因此傳出？他笑謂：「我拍咗咁多年戲，知道幾時要抽離。（向熊黛林派定心丸？）冇諗得咁複雜。（覺得感性同性感邊樣緊要啲？）最好兩樣都有啦。（熊黛林兩樣都有？）都係。」當記者以為他一改性格，公開示愛時，城城即補充一句：「其實劉若英都係，性感可以係喺骨子裏。」他又繼續表示事實行先，年內也沒有結婚計劃。
城城透露會跟隨電影公司的指示，將片中角色身份保密，他說：「總之個角色係我從影咁多年都未做過嘅，佢份工都幾神秘，要體力又要耐力，同飛行有關。」結果被記者識破是太空人時，他笑謂：「係你哋估中咋！」
