鍾欣桐元宵收花心情靚
鍾欣桐（阿嬌）剛在內地拍完劇集，日前阿嬌又應邀到江蘇溧陽擔任元宵節音樂會表演嘉賓，阿嬌更冒寒穿上白色背心珠片裙獻唱。在新正頭頻頻到內地賺人仔的她，心情興奮笑說：「因為粉絲嘅熱情，我連凍都唔怕。」阿嬌甫上台，現場粉絲已經起哄，為一睹阿嬌的風采，有粉絲不停爬到最前排的欄杆，更有歌迷兩度衝上台送花給她，幸阿嬌未有被嚇倒，還喜出望外笑說：「喺元宵佳節有花收，梗係開心。」
與小春好傾
阿嬌表演後離場，有歌迷情急下由要求握手變成想抓緊阿嬌手臂，嚇得阿嬌身旁的助手攬實她快步離開，阿嬌說：「嗰刻見到好多隻手喺我面前，都未清楚咩事，同事就急急腳推我係咁行。」
阿嬌稱自己平日訓練有素，即使腳踏高踭鞋也健步如飛，她笑說：「着高踭鞋冇難度，我行到好似識飛咁o架，歌迷熱情係好事，大家安全就得啦。」台下阿嬌又跟陳小春雞啄唔斷，而在機場就巧遇張韶涵，兩人談了一會才依依不捨話別。
文：音樂組