胡敏珊與大寶法王結緣勘破人生

昨日法會吸引不少明星名人信眾包括佘詩曼、袁詠儀、張智霖、林國斌、蔡一傑、蘇志威、肥媽Maria Cordero、鐘錶界美女胡敏珊及模特兒吳嘉龍等出席。是次有份安排大寶法王來港的名媛雲何婉薇，表示大寶法王會繼續留港講道外，更會探訪老人院及進行放生儀式等，而每天的灌頂法會均吸引超過三千名信眾到來，她說：「最深刻係大寶法王話，人好易模糊喺貪念同需要之間嘅界線。」

參與台慈善活動

自言跟隨了大寶法王數年的胡敏珊，說當年母親過身後，便找了寧波車活佛唸經，因而認識大寶法王。她說：「識咗佢之後，我個人祥和咗，佢教咗我好多人生道理，佢話人生可以好長或好短，令我更加珍惜生命。」她續說稍後會到台灣出席鐘錶慈善活動，幫助有需要的小朋友。

胡敏珊（左）和佘詩曼前來出席灌頂儀式。

吳嘉龍（右）和Lordreu寧波車合照，大家相識已八年。

將佛學融入生活

另外，自言兩年前已擔任法會司儀的吳嘉龍，說八年前跟大寶法王的助手寧波車相識，更言每次參與法會都是緣分，和大寶法王每次對談後，心靈上有無窮的滿足。「每次我咁啱打畀中心打招呼時，佢哋就話大寶法王啱啱嚟咗。我認為佛教係一種way of life，尤其做呢行會令人情緒敏感啲，佢曾同我講如果做得唔開心，可以試吓離港或做另一樣嘢，唔使困住自己。所以我依家都會一半時間喺呢行發展，其餘時間搵另一啲自己喜歡嘅嘢去做。同埋依家我開始睇關於佛學嘅書，原來可以好易應用喺生活當中。」

第十七世噶瑪巴大寶法王泰耶多傑稍後會探訪老人院及主持放生活動。

信眾之一的肥媽一臉虔誠的接受灌頂儀式。

文：名人組