楊婉儀腹脹惹大肚疑雲

日前約下午4時，Winnie舉家到跑馬地附近一間餐廳歎茶，順道享天倫樂。離開餐廳後，Winnie拖住囡囡步出，而老公則抱住囝囝，一家四口到附近街頭等車，期間囡囡拉着媽咪密密傾，Winnie為遷就囡囡身高，刻意耷低頭細心聆聽，場面溫馨。不過，當日見Winnie腹部微微隆起，身形似足懷孕初期的婦女，記者事後致電Winnie求證，她說：「我唔係大肚，可能新年食肥咗啫，夠喇！收工喇！」她又透露現正忙於籌備即將正式開辦的兒童教育中心。