薰妮為人師表教新星

樂壇前輩薰妮聯同好友米雪等人昨日出席藝人學校活動，薰妮亦將會成為學校的導師，問到她做藝人心得？她說：「勤力！唔好因為困難而隨便放棄，好多人話依家新人唔唱得，阿倫（譚詠麟）又話佢哋唔夠台灣星同內地星好，所以我希望薪火相傳，傳授心得畀下一代。（今次收幾多？）收得好平，唔係為發達。」
前輩薰妮加盟藝人學校，將自己多年在樂壇打滾的經驗傳授下一代。
前輩薰妮加盟藝人學校，將自己多年在樂壇打滾的經驗傳授下一代。

同場的米雪表示與薰妮是多年好友，今次是專程來捧場，而不是加盟學校做導師，問她為何不教？她說：「唔得喇，不過都有試過做講座，分享人生哲理。」此外，她表示剛剛與黎耀祥去完新加坡、馬來西亞登台。

米雪亦試過舉辦講座分享人生哲理。
  • 米雪亦試過舉辦講座分享人生哲理。