阿Sa焗住練出年情侶跑
蔡卓妍（阿Sa）昨日為馬拉松賽事擔任打氣嘉賓，跟男友陳偉霆（William）愛得癡纏的她，自爆經常被William強迫做運動強身健體，故希望出年孖男友參加「情侶跑」，而鄭欣宜男友Mark Ryan跑10公里賽，自09年後再度奪冠，令女友冧爆。
每年的馬拉松比賽均吸引不少圈中人參加，昨日清晨五時許，關智斌（Kenny）、陳家樂、at17成員盧凱彤和林二汶、鄭欣宜男友Mark Ryan、方珈悠及超級巨星的羅孝勇、林師傑、周志康、周志文及林景程等亦參加了10公里賽事，而已報名參加半馬比賽的吳浩康則因病甩底；而昨日早上八時半，阿Sa與周柏豪、梁佑嘉、王梓軒及C AllStar等人現身維園，為一眾馬拉松參加者打氣，前晚凌晨二時才由佛山返港的阿Sa，透露五時半便要起床梳洗。
關智斌見暈作嘔
揚言有做開運動的阿Sa笑言：「我唔係好勤力，都係跑吓跑步機！」問她可有跟William一齊做運動？她說：「佢做運動好有恒心，又成日逼我做運動，我跑兩下覺得熱就想坐低，佢就會逼我繼續，不過畀佢逼逼吓身體係好咗啲！（出年一齊跑馬拉松？）睇吓有冇機會啦。」
而第三次參加賽事的Kenny和師弟陳家樂於比賽前已表示未進食早餐而感到飢寒交迫，Kenny用了近一小時跑畢全程後上氣不接下氣接受訪問，他說：「好辛苦！未食嘢加上又凍又落雨，跑到想暈又想嘔，雖然最後都支持住，但都破唔到上年54分鐘嘅成績！」
衝線擺甫士祈禱
另外，Mark Ryan以33.09分鐘成績勝出10公里賽事，在衝線一刻Mark高興得大擺型仔甫士及單腳跪地祈禱，事後問到欣宜可有到場支持？他甜笑表示：「不知道，但沿路都聽到熟悉的聲音！」而欣宜昨午出席電台活動，對於男友再度封王，她甜笑說：「好早起身留意，多謝你哋話畀我聽，但唔會有獎勵。（下廚慰勞？）唔會，我肥咗好多要減肥！」
文：音樂組