蒙嘉慧被稱鄭太冧住受落
蒙嘉慧（YoYo）昨日穿上婚紗與鄭嘉穎為新劇宣傳，身為鄭伊健女友的YoYo，被田蕊妮及姚嘉妮等高呼「鄭太」，YoYo顯得頗為受落，而以開胸低V婚紗示人的梁政珏，則搶盡風頭。
YoYo與鄭嘉穎、田蕊妮、麥長青等二十多位藝員，昨日以十一對新人姿態，現身屯門黃金海岸酒店宣傳無綫新劇《Only You只有您》。
唐詩詠幫唔到舊愛
YoYo被鄭嘉穎等鄭太前、鄭太後地稱呼，高興得作勢想抱起嘉穎來影相，事後問到YoYo是否心急想成為真鄭太時，她說：「唔好咁講，着婚紗原來好辛苦，自己結婚鍾意簡單啲，未必會鋪張，若果我真係嫁得出嘅話，我覺得應該求一段婚姻，而唔係求一個婚禮，第時婚紗我想黑白兩色，不過有人話唔吉利，到時至算。」
唐詩詠對於舊愛崔建邦被樂易玲勸轉行幕後說：「我哋冇聯絡，我諗就好似跑馬拉松咁，中間或者會跣低，最重要識起身同知自己目標，畀啲時間佢，每個人都有迷失嘅時候。（你信佢可以由低做起？）由邊度做起唔緊要，重要係搵到自己條路，我都幫唔到佢，因為我都跑緊。」
嘉穎否認翻撻
嘉穎對於有指他與佘詩曼翻撻，他說：「雜誌嘅嘢唔好盡信，我哋一路係好朋友，過年我有SMS佢拜年。」
中門大開的梁政珏則表示：「婚紗公司有幾件婚紗畀我揀，只有呢件改動最少又fit，我黐咗膠紙，（真空上陣？）入面逼到着唔到其他嘢，近排我肥咗，上圍升到34D到E之間，（第時結婚性感上陣？）應該唔會，怕自己屋企人唔鍾意。」
文：影視組