葉梁美蘭滑雪被撞甩骹
前晚名媛葉梁美蘭、名模Amanda S.、利孝和夫人及利蘊珍等出席品牌活動，自言從瑞士滑雪返港的葉梁美蘭，表示此行又有意外發生：「有個200磅嘅俄羅斯大肥佬撞落我度，搞到我左肩甩骹，自己整番個骹，唔使打石膏，真係以卵擊石！（常出意外有冇去睇相？）完o架嘞！就好似木偶奇遇記！」她續說自發生車禍後，老公已着她「停牌」，現在更不准她再滑雪。
另外，Amanda表示餅店店舖已選址在中環，但仍未簽約，製作工場則在裝修中，更大嘆要籌備婚事及餅店，分身不暇，弄至失眠及和男友吵架，最後決定自己全力搞餅店，男友則負責搞婚禮。至於有否情人節禮物，她說：「一向都唔會慶祝，但今年男友整咗cup cake畀我食，好好食，有十分！」
