劉欣宜自拍成癖
說相機是世上最偉大發明之一實不為過，只因它的出現為生活留下了實在的回憶。歌手劉欣宜（Miyoko）閒時最喜愛玩自拍，她說：「除咗可以影低自己唔同時期唔同嘅造型之外，仲可以記錄低去過嘅地方同發生過嘅趣事。」原來Miyoko過得最難忘的時間大多在萬聖節期間，她表示最鍾意影自己扮鬼扮馬：「有時睇番啲相都會諗下係唔係自己。」此外，平日生活的點滴、上結他課的經過以及吃飯的歡樂時光，都是Miyoko的自拍題材，她說：「青春留倩影嘛！唔可以放過任何一刻。」
學結他第一課
「張相係我上第一堂結他課時影，當時正在學一些基本單音，所以拍低留念。自己細個曾學過彈琴，不過入行後發現男男女女都有學結他，所以決心學結他。」
凌晨歎大閘蟹
「我同李蘊嗰晚工作到凌晨兩點，不約而同想食大閘蟹，所以同經理人扭計，經理人揸車尋尋覓覓，終於搵到，最後影低我哋嘅戰利品。」
第一次化鬼裝
「呢幅相係剛入行時，第一次自己化萬聖節裝，依家睇番都覺得好得意。仲記得當時去主題公園玩，途人竟然當我係場內職員扮嘅鬼，不斷被要求合照。」
入鬼屋嚇餐飽
「當時同李蘊去玩鬼屋，事前仲懶醒同鬼屋出面啲假扮嘅鬼合照，點知入到去先發現勁嚇人，我喺裏面一路跑一路喊，直至出到嚟為止。呢幅相見證咗我呢個『瘀爆』經歷。」
