王祖藍升呢導師教追女仔
王祖藍昨日出席英皇娛樂演藝創意學院記者會，被追問會否教導年輕人追女仔秘訣，他勸喻男人要有事業才考慮拍拖，又自嘲只是半途出家的出色男人！
英皇高層吳雨昨日以校長身份率領一眾星級導師王祖藍、杜汶澤、王晶、黎小田、甘國亮及葉念琛等人出席記者會，吳雨透露4月4日會正式開班並招攬過百位新生，投資近七位數，他表示英皇旗下藝人有機會會客串擔任講師；祖藍坦言因喜歡說話而自薦成為星級導師，更可因利成便在課堂上發洩。問到會否教學生追女秘訣，祖藍笑言：「咁要叫佢哋小心啲，打穩咗事業做個出色男人先可以追女仔！（你依家係個出色男人？）我只係半途出家！」
阿澤認得罪人多
至於曾衰多口得罪不少圈中人的杜汶澤坦言要教導有志入行的生力軍學做人，避免重蹈自己覆轍，他說：「我入行17年，得罪嘅人數得出嘅都有100個，依家偏向搞吓笑就算，我賴嘢賴得好透徹！（分享你賴嘢心得？）咁10年都講唔晒！」而王晶被問到傳授甚麼給予新人時則笑言：「唔知吳雨要我做咩陰質事……都應該培訓吓，唔好一出嚟就打真軍、打出心口！」
採訪：音樂組