家英哥蚊鑽充卡鑽 阿姐踢爆：佢送嗰隻略細
汪明荃（阿姐）與羅家英婚後一直甜甜蜜蜜，昨日出席活動時家英哥自爆成世人只送過一支花給阿姐，鑽石戒指也只有一隻，更擺烏龍認錯自己送出的禮物，搞到阿姐糾正說：「佢送嗰隻略細！」
汪明荃發起敬老活動，昨日動員丈夫羅家英、鄭欣宜、黃日華、安德尊及黃宇詩等帶同不少禮物往天水圍向長者送暖。
只送過一支花
適逢前晚元宵佳節，家英哥坦言沒有和阿姐慶祝，笑說：「情人節唔使慶祝啦，乜都慶祝點負擔得起呀！」
家英哥自爆成世人只送過一支花給阿姐，他說：「送過一支黃玫瑰，成世人送過一支，都廿年前囉，依家就間中一齊去買一盆盆嘅花。（有冇送鑽石？）都有，送過一隻一卡，我啲咁嘅身家邊送得咁大粒呀！」更指阿姐手上的心心戒指便是由他送出，結果卻大擺烏龍。
黃日華受歡迎
阿姐直認家英哥大老倌出身，慣於收花少送花，說到手上的鑽戒，阿姐笑說：「呢隻唔係佢送！佢嗰隻略細，不過都係心形，（咁少送禮有冇詐型？）冇呀！OK啦！平時做節目有贊助都係戴十卡八卡，唔會要求禮物，呢啲都係物質啫！」
同場的黃日華活動上大唱電視劇主題曲，氹到現場五百名長者笑逐顏開，爭相和他握手，氣氛甚為熱鬧。
文：影視組