陳豪放盤未有女吼

陳豪昨日以一身速遞員裝扮為日本品牌「宅急便」任發布會嘉賓，形象搞笑，令在場人士都忍俊不禁！剛經歷「情傷」的他被封為「筍盤」，人人皆羨，情人節剛過，問他會否觸景傷情？他說：「OK啦，都係工作中度過，農曆新年放多咗假呀，仲陪媽咪慶祝生日添！」

撐阿佘冇詐病

前緋聞女友郭羨妮傳出婚訊，昨日她又於微博上寫道「收到很多同事的祝福，小女子非常感激」。緋聞一籮籮的「筍盤」陳豪表示曾有聽聞，不過就不會主動致電祝賀，更笑言：「佢係我第一個緋聞女友，從嗰時開始我就學懂『男女授受不親』呢個道理，所以我連佢電話都冇架！」坦言與圈中女星私下聯絡不多的陳豪笑言現時「放盤」，不過就未有着落：「依家都多咗人有我電話啦，我本來都唔鍾意打擾人嘅，咪等人約囉，不過都等唔到！（等運到？）係呀，呢啲嘢『要嚟擋唔到，唔嚟追唔到』，總之我對自己有信心！」

另一緋聞女友佘詩曼因受傷而被迫辭演《法證先鋒III》，不過早前又傳出她因想轉戰內地市場而「詐病」呃無綫。對此，陳豪就對伊人力挺到底：「我相信佢（佘詩曼）唔會咁做，而且出入醫院睇醫生都有證明架嘛！（佢想發展內地市場？）據我所知佢同無綫仲有約，不過如果係真，希望佢走之前同我拍多套劇！」

陳豪笑言已放寬「底線」，但仍未有人約。

郭羨妮（左）與佘詩曼先後成為陳豪的緋聞女友。（資料圖片）

倩揚佗B出疹

而陳倩揚雖然懷了兔BB，但昨日仍腳踏高跟鞋、穿背心裙為發布會擔任司儀，曾到日本留學的她更於現場大騷日語，信心爆棚！不過現場見她一雙手臂布滿紅斑，她說：「我出濕疹呀，醫生話可能係內分泌嘅問題，我依家都唔敢亂搽嘢！」

雖然懷孕令她出疹，不過倩揚仍表示感謝腹中寶寶：「我依家行動都好輕盈，而且又冇生暗瘡，已經好好！」懷有身孕的她表示未有刻意減少接騷，不過就甜蜜透露老公已下令她減產。

文：影視組