王梓軒向Luna Sea學冧女絕技

Jonathan去年簽約日本avex成為安室奈美惠師弟，將於四月推出全日文single，收錄兩首歌曲。去年聖誕，Jonathan專程到日本錄音，他說：「第一日落機已經喺錄音室直踩九粒鐘，日本人製作好認真。」

翻唱經典金曲

由於是處男日文碟，Jonathan希望可以打響頭炮：「日本完全冇人識我，公司策略第一隻歌賣點係舊歌新唱，叫我重新演繹七十年代日本殿堂級歌手布施明嘅金曲，希望年輕人可以當新歌聽，年紀大嘅人就覺得我尊重佢哋文化，吸引多啲人聽我嘅歌。」

至於第二首歌就是全新創作的冧女情歌，給人感覺好窩心。Jonathan表示：「日本同事話一定要有首冧女歌，仲要少女、阿婆聽完都鍾意。有次同事特登帶我睇Luna Sea演唱會，睇吓佢哋點樣冧女。我見到全場除咗o靚妹之外，仲有好多銀髮組人，佢哋魅力真係好犀利。」問到有否信心新歌可以冧女？他笑說：「過到自己嗰關，日本女同事都好鍾意。」

文：音樂組