李妮晒10卡鑽戒閃爆

前亞姐李妮前晚戴了十卡鑽戒出席時裝品牌Roberto Cavalli活動，十分搶眼。李妮表示手上戒指是老公所送，價值八位數字，被問到是否情人節禮物，她說：「唔係，其實唔係乜特別日子，兩年前同老公行街，見到粒石好靚，可遇不可求，所以老公就買咗送畀我，平時老公送禮物畀我都好即興，佢唔會揀大時大節先送禮物。」
李妮戴10卡鑽戒亮相，她說已買保險，故不須保安護駕。
李妮戴10卡鑽戒亮相，她說已買保險，故不須保安護駕。

李妮雖然戴着價值千萬的戒指出街，但卻沒有保安陪同，她說：「我唔係好擔心，我買咗保險，平時都好少戴住出街。」李妮又表示買鑽石升值能力高，現時此鑽石已升值了30%，她大讚回報力強。此外，前晚一齊出席活動的還有亞姐張家瑩及吳嘉星。

左起：張家瑩、李妮與吳嘉星出席時裝品牌活動。
  • 左起：張家瑩、李妮與吳嘉星出席時裝品牌活動。