黃伊汶錶界展拳腳計劃開店
近年轉戰商界代理手錶生意的黃伊汶，透露今年目標投資七位數字在香港開店，又打算進軍亞洲其他地方，實行全力做女強人！
昨日黃伊汶出席Roberto Cavalli活動，透露剛出席日本的錶展回來，自言很喜歡現時的工作，問到有甚麼工作大計？她說：「諗住進駐其他地方，例如日本、台灣同馬來西亞，（開舖？）唔係，都係做櫃位先，試吓反應，如果開會喺香港開，依家物色緊地方，（投資七位數字？）係我呢一年嘅目標。」那是否轉型？她指現階段拍戲是副業，想先專心做好手錶代理；豈不沒時間拍拖？她笑說：「拍拖唔係用好多時間啫！」
此外，同場有內地模特兒顧婭棋行騷，着性感低V衫，她表示已打底貼乳貼，新年在港過，討了近萬元利是。