松岡李那視Philip理想丈夫

昨日模特兒楊汀叮和Linah化身兔女郎出席「又一城歡天雪地冰上龜兔競技賽」，並大顯身手一展溜冰技術，Linah說小時曾學過溜冰。情人節她和一班朋友打邊爐度過，並獲餐廳送贈玫瑰花。至於啤梨有否送禮物，她說：「佢係我好重要嘅好朋友，唔係拍拖。」

好朋友啤梨已恭喜

不過，昨日有指她和潮牌Ground Zero創辦人之一Philip Chu拍拖，難怪她被問到有否拍拖時，即表現尷尬說或者有，據知Philip的哥哥Eri更是女星梁政珏的男友。Linah被多番追問下，才承認與Philip相戀一個月，現想保持低調，她說：「初識佢唔知佢咩背景，識落覺得佢好honest同funny，（Philip會反對你性感？）佢好信任我，知我作為專業模特兒，會視乎工作而定。（係你理想丈夫？）哈！I think so！啤梨都知我拍拖，有恭喜我。」

梁政珏	Eri（右）與弟弟Philip聯手創辦潮牌Ground Zero。（資料圖片）

汀叮問Baby攞利是

至於楊汀叮則表示元宵節很dry，連情人節都冇花收，她說：「身邊有朋友show off，（師姐AngelaBaby同你show off？）唔係佢，不過我去美國旅行時，買咗好多海綿蛋糕精品，其中有隻杯係有Angela個名，我會送畀佢。（Baby剛由青島拍拖返嚟？）我唔清楚，好耐冇見佢，佢要同我補祝生日，同埋我係佢美甲店代言人，要補番封利是畀我。」

楊汀叮剛由美國度假回港，笑言買了手信給Baby。

兔女郎打扮的楊汀叮（左）及松岡李那（右），與一班小朋友玩溜冰。

文：名人組