誤傳遭封殺 栢芝義字當頭 陳勳奇力撐
張栢芝被傳與內地上影公司交惡，有指她遲遲唔交人為陳勳奇新片《楊門女將之軍令如山》埋尾，迫令上影向她下最後通牒，倘若二月尾前不現身的話，將全面封殺她！幸而事實勝於雄辯，上影方面昨日主動澄清相關誤傳，為栢芝討回公道。
三方關係和諧
栢芝「復出」後片約不斷，日前有報道指她未完成《楊》片的拍攝工作，即「走人」投入演出王晶新戲，致令《楊》片幾陷入「爛尾」階段，有記者日前走訪陳勳奇，他強調與栢芝及上影的關係十分和諧，陳勳奇眼見栢芝形象受損，更主動澄清：「其實栢芝好撐我，過年前盡量抽時間，幫我趕拍同任賢齊嘅感情戲，出嚟效果好好，報道根本無中生有，當然亦冇封殺呢回事，係當日媒體曲解咗我嘅意思，我都好唔開心。」
受大風沙影響
據悉，栢芝與上影簽約前，已明言同時接拍了王晶新片，經協商後王晶將電影推遲開鏡，《楊》片亦落實一月尾殺青，原本兩片無牴觸，不過由於《楊》片拍攝地內蒙的持續風沙，加上其他演員檔期亦出現問題，令關機期被迫押後一個月，栢芝經理人周小姐正度期讓栢芝盡快完成《楊》片所有的拍攝工作。
文：影視組