徐正曦執演技 隨機應變
寰宇藝人徐正曦最近因工作需要，買了部sony最新型號相機，他表示：「因為我拍戲時，可以叫助手幫我拍低啲片段，返屋企睇番自己有邊方面做得好，邊方面做得唔好然後有所改善；市面上好多單反鏡相機唔可以zoom，呢部就可以，速度仲好快，同埋可以換鏡頭，如果換一個靚嘅鏡頭，咁就拍到好高質素嘅短片。」
星矢發燒友
徐正曦指之前於廈門拍電影《夏家三千金》，當時拍了一些相片，經理人覺得質素好差，所以他便去買了這部相機，近期還拿着這部「新寵」周圍去拍攝，影下維港海景、山頂、馬路等，但最愛影的東西是他收藏了一段時間的聖鬥士星矢模型，更逐一為模型影靚相，愛到不得了，他表示：「我儲咗好耐，呢套模型共有五套神聖衣，推出咗嘅我都差唔多儲齊，只係仲欠青龍神聖衣！（儲呢啲模型保值嗎？）保值，但一定要連盒，依家有啲已經炒到千幾蚊一套。」
