張家瑩掹Bean闖荷里活
憑《Mr. Bean》（戇豆先生）一角紅遍全球的英國著名諧星路雲艾堅遜，早前來港拍《特務戇J》續集，不少本地演員均虎視眈眈希望客串一角，結果由全無拍戲經驗的前亞姐冠軍張家瑩冷手執個熱煎堆，成為唯一入選的女演員。
前亞姐冠軍張家瑩，09年尾離開亞洲電視外闖，期間經歷不少起跌，同時亦讓她首次有機會拍電影，登上荷里活之路。早前Mr. Bean來港拍《特務戇J》續集，並尋找亞洲面孔做串星，一眾本地演員對於有機會拍國際大片均虎視眈眈，怎料最後跑出的女演員只有張家瑩一個。
開心過亞姐奪冠
張家瑩說：「係朋友通知我有得面試，今次係我第一次拍電影，第一次面試，去之前完全唔知做乜，入到去Mr. Bean都喺度，佢哋要我做咗幾個表情，之後好快話畀我知得咗，當時真係好開心，直情係開心過贏取亞姐冠軍。」
難得合照禁曝光
及至拍攝當日，張家瑩被安排做賭場中一名穿高跟鞋女孩，拍了三天戲，三天均和Mr. Bean同場。問她有否趁機自我介紹，她說：「冇呀，每日拍嘅場面都好大，周圍好多人，大家都好緊張，Mr. Bean做主角更加忙啦，不過我都趁機會同佢影咗張相，但拍荷里活大片好緊張，又話電影放映前都唔可以外洩片場入面嘅照片。」
張家瑩坦言非常期待影片上映，就算到時自己戲份被cut亦不介意，因為今次難得的體驗已令她超級開心，往後亦期望在演藝事業有所發展。
文：影視組