何潤東傷患未愈 死頂決戰甄子丹
台灣男子組合AK將於下月十二日聯同師兄何潤東（Peter）到日本，與五百歌迷舉行音樂會。日前當地雜誌派員到台灣進行專訪，由於Peter腳傷未能現身，最後只有AK成員陳奕及沈健宏出席，不過兩子相當鬼馬，趁師兄不在，與日本傳媒講述他當日受傷過程。
正在家中養傷的Peter雖未痊愈，但下周二要到北京繼續為電影《大鬧天宮》開工。他謂：「冇法啦！因為唔想阻住人哋，不過文戲之前已經拍晒，今次返去就要同甄子丹連續拍五日打戲，唔得都要頂硬上，我相信會順利過渡。」他又表示完成《大》片後，便會正式為音樂會做籌備工夫。問到屆時可會有特別演出？他笑謂：「我會着住古裝玩極速換衫，又會有性感造型，跳唔跳舞就未知，要睇到時隻腳應唔應付到，依家醫生就叫我唔好用力跑。」